|
|
3.9.2010
ფ.შოპენის ფესტივალი ვარშავაში
ფ.შოპენის დაბადებიდან 200 წლის იუბილესთან დაკავშირებით რადიო ”მუზა”-ს თანამშრომლები: შორენა კოპალეიშვილი, ნესტან მერმანიშვილი და ნინო ტატიშვილი ვარშავაში იმყოფებოდნენ, სადაც შოპენის სახელობის მუსიკალური ფესტივალი მიმდინარეობდა. კონცერტები 22 თებერვლიდან 1 მარტის ჩათვლით გაიმართა. ფესტივალში მონაწილეობდნენ: რაფალ ბლეხაჩი, ევგენი კისინი, ნიკოლაი დემიდენკო, იუნდი, დანგ ტაი სონი, ნელსონ გორნერი, კევინ კენერი, ლიფ ოვ ანდსნესი, გარიკ ოლსონი, დანიელ ბარენბოიმი, ანტონი ვიტი და ჰანს ბრუგენი.
ღონისძიებას რადიო "მუზა"-ს თანამშრომლებთან ერთად ესწრებოდა საქართველოს პირველი ლედი ქ-ნი სანდრა ელისაბედ რულოვსი, ასევე კლასიკური მუსიკის ხელშეწყობის ასოციაციის თავმჯდომარის თანაშემწე ანუკი ცქვიტინიძე.
ფ.შოპენის საიუბილეო მუსიკალური ფესტივალი პოლონეთის პირველი ლედის, მარია კაჩინსკას პატრონაჟით ჩატარდა. ღონისძიების ორგანიზატორები იყვნენ: მონიკა სტრუგალა (პროექტის კოორდინატორი) და სტანისლავ ლეშინსკი (სამხატვრო ხელმძღვანელი). რადიო ”მუზა”-ს პროდუსერებს საშუალება მიეცათ ამ ფესტივალის ორგანიზატორებსა და მონაწილეებს შეხვედროდნენ და გასაუბრებოდნენ. მათ ცნობილი პიანიტების ავტოგრაფები მოიპოვეს. აღნიშნული მასალა რადიო ”მუზა”-ს არქივს გადაეცა.
|
|