რადიო ,,მუზა” არის პირველი და ერთადერთი რადიოსადგური საქართველოში, რომელიც 24 საათის განმავლობაში კლასიკურ მუსიკას გადასცემს. რადიო „მუზა“ სანდრა ელისაბედ რულოვსის ინიციატივით დაარსდა. რადიოსადგურის ჩამოყალიბებაში რამოდენიმე ჰოლანდიურმა ორგანიზაციამ მიიღო მონაწილეობა.

მაუწყებლობის შესახებ ლიცენზია რადიო “მუზა”-მ 2006 წლის დეკემბერში მიიღო, ხოლო რადიოპროგრამები ეთერში 2007 წლის ზაფხულიდან გავიდა. დღემდე რადიო ყოვლეგვარი კომერციისა და მოგების გარეშე მუშაობს.
2007 წლის ზაფხულიდან რადიო მუზა” მაუწყებლობდა მხოლოდ თბილიში, FM დიაპაზონზე 95.9. დღეს ჩვენი მოსმენა შესაძლებელია უკვე 10 რეგიონში.
ამით საქართველოს მოსახლეობის 90%-ს შესაძლებლობა აქვს 24 საათის განმავლობაში კლასიკურ მუსიკას უსმინოს. გარდა ამისა რადიო „მუზა”-ს მოსმენა შესაძლებელია ინტერნეტის საშუალებით.